Reuters.com
Asnoŭnaja častka rakiety «Sajuz-2.1b» z 19 spadarožnikami, uklučajučy trochtonny hidramietearałahičny aparat «Mieteor-M», mahła całkam zvalicca ŭ akijanie ŭ rajonie Antarktydy. Pra heta ŭ aŭtorak, 28 listapada, ria.ru paviedamiła krynica ŭ rakietna-kaśmičnaj halinie.
«Kali da hetaha času niama paćvierdžańnia vyviadzieńnia asnoŭnaj nahruzki — spadarožnika «Mieteor», - dapuskaju, što niaštatnaja situacyja mahła paŭstać pamiž adździaleńniem ad treciaj prystupki i pieršym uklučeńniem. U takim vypadku padzieńnie mahło adbycca ŭ akijanie ŭ rajonie Antarktydy», - skazaŭ surazmoŭca ahienctva.
Raniej 28 listapada krynica «Interfaksa» paviedamiła ab adsutnaści telemietryi z aparata «Mieteor-M». Na jaje dumku, «mahli paŭstać prablemy na etapie vydačy adnaho z dvuch impulsaŭ maršavaj ruchalnaj ustanoŭkaj».
Rakieta «Sajuz-2.1b» z razhonnym błokam «Frehat» z karysnaj nahruzkaj (trochtonny hidramietearałahičny spadarožnik «Mieteor-M» №2-1 i 18 małymi spadarožnikami) startavała 28 listapada ŭ 08:41 pa maskoŭskim časie.
***
Uschodni — pieršy cyvilny kasmadrom Rasii, raźmieščany ŭ Amurskaj vobłaści. Jaho budaŭnictva pačałosia ŭ 2012 hodzie, jano supravadžałasia skandałami, źviazanymi z vyjaŭleńniem kradziažoŭ, a taksama masavymi zabastoŭkami i haładoŭkami rabočych z-za zatrymak zarobku, piša lenta.ru.
