Kiraŭnica rasijskaha prapahandysckaha telekanała «Russia Today» Marharyta Simańjan paśla navinaŭ pra toje, što ŭłady Hiermanii majuć namier abmiežavać dziejnaść kanała na svajoj terytoryi, napisała ŭ telehram-akaŭncie niecenzurny post z pahrozami.
Paviedamleńnie Marharyty Simańjan
U siaredzinie kastryčnika Marharyta Simańjan paviedamiła, što amierykanskija ŭłady zapatrabavali ad RT zarehistravacca ŭ jakaści zamiežnaha ahienta. Takoje patrabavańnie, zhodna z zakanadaŭstvam ZŠA, pradjaŭlajuć da kampanij, jakija pracujuć u intaresach inšych dziaržaŭ. Amierykanskija śpiecsłužby ličać, što rasiejskija ŭłady vykarystoŭvali RT dla ŭmiašańnia ŭ chod prezidenckich vybaraŭ u ZŠA.
«U situacyi vybaru pamiž kryminalnaj spravaju i rehistracyjaj my vybrali apošniaje», napisała tady rasijskaja čynoŭnica ŭ svaim tvitary.
Zakon pra zamiežnych ahientaŭ byŭ pryniaty ŭ ZŠA ŭ 1938 hodzie, kab abmiežavać dziejnaść ahitataraŭ na karyść hitleraŭskaj Hiermanii.
