Płatforma Talaka razam z partałam Onliner.by, kampanijaj velcom i hrupaj kampanij Gurtam siońnia, 29 listapada, zapuskajuć nacyjanalny interaktyŭny konkurs u farmacie realici-šou #Paskareńnie.
Meta konkursu — natchnić haradžan na sumiesnaje samastojnaje rašeńnie pryncypovych prablem, palepšyć jakaść žyćcia ŭ haradach i nasielenych punktach Biełarusi, stvaryć toje, čym budzie hanarycca kraina i na što źviernie ŭvahu ŭvieś śviet.
Palepšyć navakolnuju realnaść, stać viadomym i vyjhrać hałoŭny pryz moža kožny biełarus, kali voźmie ŭdzieł u realici-konkursie #Paskareńnie. Arhanizatary zaprašajuć aktyŭnych žycharoŭ Biełarusi i biełarusaŭ zamiežža, jakija harać žadańniem zapuścić značny prajekt albo ŭžo realizujuć jaho. #Paskareńnie — heta konkurs biełaruskich prajektaŭ u samym šyrokim značeńni: ad sacyjalnych i haradskich da pradprymalnickich i technałahičnych.
Pieramožcaŭ čakaje pryzavy fond u pamiery 4000 rubloŭ i śpiecyjalnyja padarunki ad partnioraŭ konkursu.
U naminacyi velcom «Kamfort» udzielnikaŭ čakaje padarunak — sučasny smartfon z padłučanym adnajmiennym taryfnym płanam. Kryteryjem acenki ŭ naminacyi budzie ŭvaha prajektaŭ da kamfortnych pieramienaŭ u žyćci biełarusaŭ, jak heta robiać taryfy liniejki «Kamfort».
Kampanija Gurtam padoryć pieramožcu naminacyi «Prajekt budučyni» modny i karysny hadžet — smart-hadzińnik.
Udzielniki projduć usie etapy realizacyi prajekta: ad kreatyŭnaj idei da jaje poŭnaha ŭvasableńnia. Usie stadyi konkursu buduć štotydzień aśviatlacca ŭ režymie realici-šou.
Dla ŭdziełu nieabchodna zarehistravacca na płatformie Talaka i z 29 listapada pa 11 śniežnia ŭklučna dadać svaju ideju praź śpiecyjalnuju formu na sajcie. Sam konkurs budzie doŭžycca až da 4 lutaha. Za hety čas ideja pavinna być uvasoblena ŭ žyćcio abo prynamsi musić źjavicca pratatyp prajekta, jaki možna budzie prademanstravać hledačam.
Aznajomicca z padrabiaznymi praviłami #Paskareńnia možna na sajcie.
