Breksit zahraz na irłandskaj miažy: Mej i Junkier nie zmahli damovicca ab jaje statusie 5

Vielikabrytanija i Jeŭrasajuz nie zdoleli zavieršyć u paniadziełak pieramovaŭ pa Breksicie, niahledziačy na dekłaravany «značny prahres» pa klučavych pytańniach, pra jaki zajavili ŭ Bruseli abodva baki pieramoŭ, paviedamlaje CNN.

Premjer-ministr Vielikabrytanii Tereza Mej i prezident Jeŭrakamisii Žan-Kłod Junkier pryznali, što niekatoryja pytańni, źviazanyja z funkcyjanavańniem miažy Vielikabrytanii i Irłandyi paśla vychadu Łondana ź ES zastalisia «apošnim błakujučym momantam».

Junkier, adnak, vyraziŭ pierakanańnie, što da kanca biahučaha tydnia i hetyja pytańni buduć vyrašanyja. Žychary pamiežnych rajonaŭ Irłandyi i Paŭnočnaj Irłandyi vielmi zaniepakojenyja raźvićciom pieramovaŭ pra status budučaj miažy Jeŭraźviazu (Irłandyja) i Abjadnanaha Karaleŭstva (Paŭnočnaja Irłandyja). Jany bajacca, što kali pieramoža kancepcyja «ćviordaj miažy», heta admoŭna paŭpłyvaje na tavaraabmien pamiž dźviuma dziaržavami.

Ustalavany žycharami płakat z nadpisam pra toje, što hetaja daroha moža być pierakrytaja z sakavika 2019 hoda, kali pieramoža kancepcyja «ćviordaj miažy».

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH