Žury Premii imia Ježy Hiedrojcia prysudziła sioleta dźvie raŭnaznačnyja premii. Pieršy łaŭreat — Lavon (Lonik) Tarasievič, mastak, prafiesar vyjaŭlenčaha mastactva, jaki na praciahu mnohich hadoŭ udzielničaŭ u budaŭnictvie pryjaznych adnosin pamiž Polščaj i Biełaruśsiu, paviedamlaje «Rzeczpospolita».
Lonik Tarasievič. Fota: facebook.com
Lonik Tarasievič byŭ uznaharodžany «Za niastomnuju pracu na ahulnaje dabro, za kultyvavańnie pamiaci pra historyju Vialikaha kniastva Litoŭskaha, vialiki ŭkład u prasoŭvańnie Polščy ŭ śviecie jak dziaržavy mnohich narodaŭ, kultur i relihij».
Druhi z łaŭreataŭ — Andžej Sulima Kamiński — historyk, prafiesar Katalickaha univiersiteta Džordžtaŭn u Vašynhtonie, jaki prapahanduje viedy pra hramadzianskuju supolnaść mnohich narodaŭ, što ŭvachodzili ŭ skład Pieršaj Rečypaspalitaj da jaje padziełaŭ tryma susiednimi impieryjami.
Jon atrymaŭ uznaharodu «Za impuls i efiektyŭnaść prajektu «Adnaŭleńnie zabytaj historyi», realizavanaha ŭ duchu Hiedrojcia. Admysłovym dypłomam byli adznačanyja namahańni Čarlza E. Mieryła-małodšaha — amierykanskaha piśmieńnika, vykładčyka, ale pierš za ŭsio fiłantropa, jaki padtrymlivaŭ kulturnyja i adukacyjnyja inicyjatyvy ŭ Centralnaj i Uschodniaj Jeŭropie, u asnoŭnym u Polščy, na praciahu mnohich hadoŭ.
Mierył byŭ ŭhanaravany hetaj uznaharodaju imia Ježy Hiedrojcia «za ahulnuju dziejnaść na karyść krain Centralnaj i Uschodniaj Jeŭropy, — skazaŭ Bahusłaŭ Chrabota, hałoŭny redaktar haziety« Rzeczpospolita» i staršynia Kamitetu pa prysudžeńni premii.
Fota: Jerzy Dudek, www.rp.pl
Ježy Hiedrojć — narodžany ŭ Minsku polski publicyst, palityk, zasnavalnik i redaktar paryžskaha hramadska-palityčnaha časopisa «Kultura». Jašče ŭ časy SSSR prytrymlivaŭsia dumki, što dla stabilnaści našaha kantynienta patrebnaje isnavańnie niezaležnych Biełarusi, Ukrainy i krain Bałtyi. Premija jahonaha imia ŭručajecca z 2001 hoda.
Pamiatny znak premii imia Ježy Hiedrojcia
