Rasijskaja čyhunka vyrašyła parušyć šmathadovuju niapisanuju tradycyju, što skłałasia pamiž pasažyrami mižharodnich ciahnikoŭ. Pavodle aficyjnaha pradstaŭnika Fiederalnyj Pasažyrskaj Kampanii, pasažyry, što nabyli kvitok na nižniuju palicu, majuć poŭnaje prava nie puskać na jaje pasažyraŭ vierchnich palicaŭ, paviedamlaje rg.ru.
Pres-sakratar FPK Anastasija Fiodarava zajaviła ŭ adkaz na adpaviedny zapyt pra isnavańnie punkta 51 Praviłaŭ pieravozak, zaćvierdžanych rasijskim mintransam. U im u pryvatnaści havorycca:
«Pasažyr, nabyvajučy prajazny dakumient, ustupaje ź pieravozčykam u damoŭnyja adnosiny i zhadžajecca padčas pajezdki zajmać akreślenaje miesca, paznačanaje ŭ kvitku».
Pry hetym pradstaŭnica kampanii zaŭvažyła, što varta dva razy padumać, pierad tym, jak admaŭlać susiedziam z kupe, bo nastupnym razam na ich miescy možna apynucca samomu — i paraiła «być dabrejšymi».
