Ministr adukacyi Francyi Žan-Mišel Błankier abviaściŭ, što zabarona na mabilnyja telefony ŭ pačatkovaj i siaredniaj škołach ustupić u siłu z novaha navučalnaha hoda ŭ 2018 hodzie, piša rfi.fr
Błankier adznačyŭ, što ŭ jaho viedamstvie zaraz pracujuć nad detalami hetaj miery.
«Mabilnyja telefony mohuć spatrebicca ŭ piedahahičnych metach i ŭ nadzvyčajnych situacyjach, tamu treba, kab jany byli ŭ niejkim sensie pad zamkom», - patłumačyŭ jon u intervju. Ministr dadaŭ, što zabarona na telefony ŭžo dziejničaje ŭ asobnych navučalnych ustanovach.
Cikava, što Zabarona na mabilniki ŭ škołach była pieradvybarnym abiacańniem prezidenta Emaniuela Makrona.
Le Monde nahadvaje, što zabarona na vykarystańnie mabilnych telefonaŭ u pačatkovaj i siaredniaj škole padčas urokaŭ ŭžo prapisana ŭ kodeksie ab adukacyi. Ale što da pieramienaŭ, tut mohuć uźniknuć składanaści. U prafsajuzach śćviardžajuć, što niekatoryja baćki žadajuć telefanavać svaim dzieciam paśla ŭrokaŭ. Akramia taho, takaja zabarona moža ŭskładnić žyćcio supracoŭnikam škoł, jakija pavinny buduć ahladać sumki vučniaŭ.
