TASS
Piačerski sud u Kijevie admoviŭsia źmiaščać zatrymanaha ŭ piatnicu Michaiła Saakašvili pad chatni aryšt. Takim čynam, u patrabavańniach boku abvinavačvańnia było admoŭlena ŭ poŭnym abjomie, paviedamlaje «112 Ukraina».
«Chadajnictva ab prymianieńnie miery strymańnia ŭ vyhladzie chatniaha aryštu dla Michaiła Saakašvili pakinuć biez zadavalnieńnia», — zajaviła sudździa. Abviaščeńnie poŭnaha tekstu pastanovy jana pryznačyła na 09:00 14 śniežnia.
Abvinavačvańnie patrabavała dla Saakašvili dvuch miesiacaŭ kruhłasutačnaha chatniaha aryštu, prakuratura moža abskardzić rašeńnie na praciahu piaci dzion.
Saakašvili vyzvaleny pad daručalnictva deputataŭ Viarchoŭnaj Rady — u chodzie pasiadžeńnia dziesiać ukrainskich narodnych deputataŭ vykazali hatoŭnaść paručycca za byłoha hruzinskaha prezidenta.
Na pačatku pasiedžańnia advakaty Saakašvili chadajničali ab tym, kab jaho vyzvalili z tak zvanaha akvaryuma - šklanoha boksa dla padślednych. Heta nie vyklikała piarečańniaŭ z boku prakuroraŭ i prośba abarony była zadavolenaja.
Saakašvili ŭ zale suda zajaviŭ, što ličyć siabie vajennapałonnym, a chatni aryšt nazvaŭ sprobaj adłučyć jaho ad palityčnaj dziejnaści. Razam sa svaimi prychilnikami jon praśpiavaŭ himny Ukrainy i Hruzii.
Siarod tych, chto pryjšoŭ padtrymać Saakašvili ŭ sudzie była, u pryvatnaści, lidar partyi «Baćkaŭščyna», eks-premjer Ukrainy Julija Cimašenka. Jana i jašče dzieviać deputataŭ Viarchoŭnaj rady vykazali hatoŭnaść uziać Saakašvili na paruki.
