Alaksandr Zacharčanka. Fota TASS.
Pra damoŭlenaść pravieści abmien pałonnymi Zacharčanka abviaściŭ u Maskvie ŭ Śviata-Daniłavym manastyry paśla sustrečy z patryjarcham maskoŭskim i ŭsiaje Rusi Kiryłam. U joj taksama prymaŭ udzieł v.a. kiraŭnika ŁNR Leanid Pasiečnik, jaki źmianiŭ Ihara Płatnickaha, kali toj straciŭ pasadu i źjechaŭ u Maskvu.
«Siońnia byli abhavoranyja apošnija ŭmovy, i 27 śniežnia adbudziecca abmien pa formule «306 na 74», — cytujuć Zacharčanku RIA Novosti. — Spadziajusia, što ŭkrainski bok budzie prytrymlivacca abiacańniaŭ».
Infarmacyju pra abmien pałonnymi na Danbasie paćvierdziła vice-śpikier Viarchoŭnaj rady Ukrainy i ŭdzielnik pieramovaŭ u Minsku Iryna Hieraščanka.
Ułady Ukrainy pavinny vyzvalić 306 čałaviek, a sieparatysckija DNR i ŁNR — 74. «My ŭ miežach vyzvaleńnia pieradamo 306 čałaviek, dzie heta dazvalaje ŭkrainskaje zakanadaŭstva», — udakładniła Hieraščanka ŭ fejsbuku.
