Staršynia Kanservatyŭna‑chryścijanskaj partyi BNF Zianon Paźniak ličyć, što ŭ parlamenckich vybarach u Biełarusi ŭziało ŭdzieł kala 25—30 % hramdzian krainy. Takoje mierkavańnie Paźniak vykazaŭ padčas interviju našaj radyjostancyi.
Z. Paźniak: Vybary adnaznačna byli falsyfikavanyja. Heta było vidavočna jašče ŭ peryjad vybarčaj kampanii, jak pravodziłasia papiaredniaje hałasavańnie. Učora pa ŭsioj Biełarusi byli zafiksavanyja pustyja ŭčastki. Zbolšaha prahałasavała 25—30 %. Heta paćviardžajecca ŭsimi našymi naziralnikami.
Bajkot hałasavańnia adbyŭsia, i schavać heta niemahčyma. Režym choča heta schavać, ale heta vielmi niaŭdała.Adpaviedna hetyja vybary nia mohuć być pryznanyja . Zachadu, jaki rabiŭ zajavy ab pryznańni, nielha pryznavać ich demakratyčnymi. Inšaha Zachadu nie zastajecca.
Zianon Paźniak ličyć, što vybary byli praviedzienyja vielmi cynična, ź niepavahaj da vybarcaŭ i da mižnarodnaj supolnaści. «Heta poŭny pravał łukašenkaŭskaha režymu» — skazaŭ lider KCHP‑BNF u interviju Polskamu radyjo.
0
0
0
0
0
0
