Hrodna i Varšavu moža źviazać pramoje avijazłučeńnie. Takaja infarmacyja była ahučanaja siońnia ŭ čas asabistaha pryjomu hramadzian, jaki pravioŭ u Hrodnie namieśnik premjer-ministra Anatol Kalinin, pieradaje BiełTA.
Jak adznačyŭ prysutny na pryjomie načalnik Hrodzienskaha filijała RUP «Biełaeranavihacyja» Anatol Kupraševič, viaducca pieramovy z adnoj z polskich avijakampanij pa arhanizacyi rejsaŭ Hrodna-Varšava z častatoj da 9 raz u tydzień.
«Infrastruktura hrodzienskaha aeraporta dastatkova sučasnaja. Arhanizujucca tut i pastajannyja rejsy, u pryvatnaści ŭ Kalininhrad, a ŭ letni siezon — i ŭ Bałharyju. Zakanadaŭstva siońnia dazvalaje pryniać luboha pieravozčyka, u tym liku apieratara-łaŭkostera», — adznačyŭ Anatol Kalinin. Jon padkreśliŭ, što klučavym dla biźniesu čaściakom zastajecca pytańnie pasažyrapatoku.
Fota: traveling.by
Aeraport u Hrodnie absłužyŭ ŭ 2016 hodzie 5 tys. pasažyraŭ, u 2017-m — užo 10 tys. Jak čakajecca, u biahučym hodzie hetaja ličba budzie jašče vyšejšaj. Ciapier zamiežniki mohuć naviedvać rehijon bieź vizy na termin da 10 dzion. Adlehłaść ad Hrodna da Varšavy — 276 kiłamietraŭ.