2 lutaha kataliki adznačajuć Hramnicy (15 lutaha ich śviatkujuć pravasłaŭnyja). Carkoŭnaja nazva «Sustreča Hospada našaha Isusa Chrysta» — «Strečańnie».
Na Hramnicy ŭ cerkvach śvieciać śviečki, i jany abierahali chaty ad pieruna.
Narodnaja mudraść kaža: «Hramnicy — pałavina zimicy, marazoŭ pałavicy», ad siońnia sonca paviartaje na viasnu.
Narodnyja prykmiety takija: «Jak na Hramnicy pievień napjecca vadzicy, dyk na Jurja [23 krasavika, u pravasłaŭnych 6 maja] voł najesca travicy» (kali siońnia adliha, to i viasna budzie rańniaj), «Jak na Hrymnicy adliha, z uradžaju budzie chviha» (kali siońnia adliha, to viasna rańniaja, a jana nie spryjaje dobramu ŭradžaju, bo rana vysychaje ziamla).
Cikava, što hod tamu 2 lutaha ŭ Biełarusi adlihi akurat nie było, i ŭ vyniku viasna, aproč pary dzion u pačatku sakaviku, była vielmi poźniaj. U pačatku maja sypaŭ jašče śnieh, a paciapleła tolki ŭ druhoj dekadzie miesiaca.
U ZŠA i Kanadzie siońnia — Dzień surka.
U Amierycy ličycca, što viasna budzie rańniaj, kali surok Fił sa štata Piensilvanija vylezie z nary i nie spałochajecca svajho cieniu, inakš viasny pryjdziecca čakać jašče šeść tydniaŭ.
U hety dzień pa telekanałach pakazvajuć film «Dzień surka» ź Biłam Miurejem. Sioleta filmu spaŭniajecca 25 hadoŭ!
