Raśsielhasnahlad z 14 lutaha zabaraniŭ uvozić jabłyki z 31 pradpryjemstva ź Biełarusi, paviedamlaje nahladny orhan.
Zabarona była ŭviedzienaja ŭ metach niedapuščeńnia ŭvozu na terytoryju Rasii sielskahaspadarčaj pradukcyi z krain, jakija trapili pad abmiežavańni.
Zabarona budzie dziejničać da vynikaŭ ekśpiertnych pieramovaŭ z Hałoŭnaj dziaržaŭnaj inśpiekcyjaj pa nasieńniavodstvu, karancinu i achovie raślin Biełarusi.
Rašeńnie było pryniata paśla pravierki 84 biełaruskich pradpryjemstvaŭ, jakija pastaŭlajuć u Rasiju śviežyja jabłyki i ahurki.
9 listapada 2017 hoda Raśsielhasnahlad prapanavaŭ zabaranić pastaŭlać sadavinu ŭ Rasiju siami kampanijam ź Biełarusi. Heta «AzotSiervis», SVK imia V.I.Kramko, «Ahra-pradukt», «Hiedeon», IP Martynienka Ju.A., «Brend Kapryz» i «Klecki».
