13 lutaha staršynia Respublikanskaha abjadnanaha prafsajuza Litvy Arvidas Dambraŭskas prapanavaŭ pavialičyć minimalnuju zarpłatu ŭ Litvie da 593 jeŭra, paviedamlaje Delfi.
Jon taksama prapanuje pavialičyć da 593 jeŭra nieabkładajemy padatkami minimum (NPM). Ciapier minimałka ŭ Litvie składaje 400 (druhi z kanca pakazčyk u ES), a NPM — 380 jeŭra. Dambraŭskas zaŭvažyŭ, što pavyšeńnie minimumu spyniła b emihracyju, dapamahło b u baraćbie z «cieniavoj» ekanomikaj, pavialičyła b unutranaje spažyvańnie.
Raniej Centrabank Litvy, acaniŭšy pierśpiektyvy rostu minimałki, adznačyŭ, što jana nie pavinna być bolš za 50% ad siaredniaj zarpłaty. Zhodna z hetym, minimum u pamiery amal 600 jeŭra — nierealny, a minimumu ŭ 500 jeŭra možna dasiahnuć prykładna da 2020 hoda. Trochbakovaja rada da siaredziny lipienia pavinna pradstavić uradu rekamiendacyi pa pytańni minimalnaj zarpłaty.