Na pierachodzie «Kamienny Łoh», fota z fejsbuka Alesia Bialackaha
«Viadoma, ja vielmi chvalujusia. Radaja, što maje blizkija siabry i kalehi jeduć sa mnoj razam. Heta ciapier samaje važnaje. My jašče znachodzimsia na terytoryi pamiežnaha pierachodu, ale treba ŭžo jechać dachaty. Nieŭzabavie budziem doma», — raskazała Alena Tankačova ŭ pieršyja chviliny paśla viartańnia, — piša Radyjo Svaboda.
U 2014 hodzie jaje pazbavili vidu na žycharstva (Alena — hramadzianka Rasii, žyvie ŭ Biełarusi 30 hadoŭ, z malenstva) i departavali na 3 hady. Aficyjnaja padstava — štrafy za pieravyšeńnie chutkaści. Pravaabarončaja supolnaść ličyć vysyłku Aleny Tankačovaj pomstaj za jaje prafiesijnuju dziejnaść.
3 hady vysyłki Alena praviała ŭ Vilni — «bližej da domu», jak kaža jana sama. Niekalki razoŭ źviartałasia da biełaruskich uładaŭ z prośbaj skaracić termin i zaŭždy atrymlivała admovu.
Siońnia, 22 lutaha Alena Tankačova ŭjechała ŭ Biełaruś.
