Mižnarodnaja asacyjacyja prafiesijanałaŭ aŭtsorsinhu (IAOP) apublikavała śviežy śpis viadučych pastaŭščykoŭ pasłuh aŭtsorsinhu The Global Outsourcing 100 padčas kanfierencyi Outsourcing World Summit, jakaja prachodzić 18-21 lutaha ŭ ZŠA. U sotniu lepšych uvajšli šeść kampanij ź biełaruskaha PVT, paviedamlajuć «Kampjutarnyja viestki».
U pryvatnaści, u top-100 2018 hoda ŭvajšli kampanii z PVT: Bell Integrator, EPAM Systems, IBA Group, Itransition, Ciklum i Artezio.
U rejtynh The Global Outsourcing 100 kampanii traplajuć na asnovie šerahu kryteraŭ. Siarod jakich: vodhuki klijentaŭ, atrymanyja ŭznaharody i siertyfikaty, kolkaść rabotnikaŭ, dynamika rostu, inavacyjnaść u pradastaŭleńni pasłuh, najaŭnaść prajektaŭ karparatyŭnaj sacyjalnaj adkaznaści. Vynikovy śpis lepšych IT-pastaŭščykoŭ składajecca z 75 bujnych hulcoŭ (katehoryja Leader, hadavy dachod ad $50 miljonaŭ i/abo ad 5 tysiačy śpiecyjalistaŭ) i 25 kampanij, jakija aktyŭna raźvivajucca (katehoryja Rising Star).