Brydžyt da taho, jak vyrasła hryva, i paśla
Vieterynary pakul nie vyjavili pryčyny takoj vyklučna redkaje źjavy, ale ŭžo ŭziali ŭzor kryvi lvicy dla analizu. Jany buduć paraŭnoŭvać kroŭ Brydžyt z kryvioju jaje rodnaj siastry.
Hryva lva — charakternaja prykmieta pałavoha demarfizmu ŭ hetaha vidu kacinych. Rost hryvy rehulujecca ŭzroŭniem testasteronu ŭ kryvi. U samcoŭ ilvoŭ hryva pačynaje raści va ŭzroście adnaho hoda i da čatyroch hadoŭ farmujecca całkam.
«Situacyi, kali ŭ samki raźvivajucca prykmiety samca, niezvyčajnyja», — kamientuje pamočnik vieterynara Hretchien Koŭł.
Tym nie mienš niezvyčajnaja anamalija nie musić paŭpłyvać na jakaść žyćcia ilvicy. Vieterynary praciahvajuć uvažliva sačyć za joj, ale starajucca nie parušać zvykły rasparadak dnia žyvioły. Akramia lišnich vałasoŭ nijakich źmienaŭ u stanie zdaroŭja Brydžyt pakul nie zaŭvažana.
