«Adzin z našych startapaŭ, Zeus, dapamahaŭ Vieniesuele vypuścić nacyjanalnuju kryptavalutu. Vypusk kryptavaluty praduhledžvaje stvareńnie biržy, ekasistemy. Jon dapamahaŭ hetuju ekasistemu stvarać», — paviedamiŭ inviestar startapa Alaksandr Ručjoŭ.
Vieniesueła 20 lutaha zapuściła ŭłasnuju kryptavalutu El Petro, jakaja zabiaśpiečanaja naftaj. Paźniej prezident Nikałas Madura paviedamiŭ, što kraina ŭ bližejšy čas zapuścić jašče adnu kryptavalutu — «załaty El Petro», jakaja budzie zabiaśpiečanaja kaštoŭnymi mietałami.
Pavodle dadzienych vieniesuelskich uładaŭ, u chodzie papiarednich prodažaŭ było pryciahnuta 735 miljonaŭ dalaraŭ. Madura zajaviŭ, što cikavaść da vieniesuelskaj kryptavaluty prajavili Kałumbija, Brazilija, Japonija, Kitaj dy Ispanija.