Supracoŭniki mytni vyjavili čamadan srebra, jaki uradženka Karelii sprabavała pravieźci biez dekłaracyi, paviedamlaje Dziaržaŭny mytny kamitet.
Uradženka Karelii prylacieła ŭ Nacyjanalny aeraport avijarejsam Kijeŭ — Minsk i pajšła pa «zialonym» kalidory, dzie nie treba dekłaravać tavary.
Vyhlad i vaha jaje bahažu vyklikaŭ padazreńnie ŭ mytnikaŭ, u suviazi z čym žančynu zaprasili na «čyrvony» kalidor i pravieryli rečy skanaram.
Siarod rečaŭ vyjavili partyju ŭpryhožvańniaŭ i aksiesuaraŭ sa srebra, rasfasavanych u miašočki: bolš za tysiaču brošak, łancužkoŭ, zapinak, zaciskaŭ, huzikaŭ, spražak, zašpilek i inšych pradmietaŭ. 11,5 kiłahrama upryhožvańniaŭ znachodzilisia ŭ adnym čamadanie.
Žančyna patłumačyła, što kupiła juvielirnyja vyraby ŭ Turcyi dla dalejšaha prodažu.
Žančynie pahražaje štraf u pamiery ad piaci da piacidziesiaci bazavych vieličyń.
