U Biełarusi zachoŭvajecca stabilnaść na valutnym i finansavym rynkach, paviedamiŭ premjer-ministr Andrej Kabiakoŭ padčas spravazdačy ŭrada, Nacyjanalnaha banka, abłvykankamaŭ i Minskaha harvykankama ab vynikach pracy ekanomiki za 2017 hod i zadačach pa zabieśpiačeńni ŭstojlivaha ekanamičnaha rostu, pieradaje BIEŁTA.
Andrej Kabiakoŭ adznačyŭ, što ŭ 2017 hodzie kampiensavana adstavańnie 2016 hoda. «Zajšli ŭ prahnozny kalidor piacihadovaj prahramy pa 11 asnoŭnych pakazčykach sacyjalna-ekanamičnaha raźvićcia krainy z 13. Nie vykonvajucca dva — pa tempach rostu realnych dachodaŭ nasielnictva (adstavańnie na 0,6 pracentnaha punkta) i abjomie budaŭniča-mantažnych rabot (na 1,1 pracentnaha punkta)», — rastłumačyŭ premjer-ministr.
Takim čynam, ekanomika raźvivajecca ŭ cełym u adpaviednaści z asnoŭnymi paramietrami prahramy na 2016—2020 hady. Pry hetym zachoŭvajecca stabilnaść na valutnym, kredytna-depazitnym i finansavym rynkach. «U poŭnym abjomie i va ŭstanoŭleny termin raźličylisia pa valutnych zabaviazańniach. Biudžet u 2017 hodzie vykanany z praficytam (Br2,8 młrd), jaki nakiravany na pahašeńnie častki zamiežnaha doŭhu», — skazaŭ Andrej Kabiakoŭ.
«Usie sacyjalnyja abaviazacielstvy vykanany pry zachavańni režymu žorstkaj ekanomiki. Hałoŭnaja vysnova — my žyviom pa srodkach», — reziumavaŭ kiraŭnik urada.
