Supracoŭniki śpiecpadraździaleńnia pahransłužby spynili kanał pastaŭki narkotykaŭ z Rasii.
1 sakavika apieratyŭniki zatrymali dvuch biełarusaŭ — raspaŭsiudnika zabaronienych preparataŭ i jaho pastaŭščyka, paviedamili ŭ pres-słužbie Dziaržaŭnaha pamiežnaha kamiteta Biełarusi.
U chodzie raspracoŭki kanała narkatrafiku supracoŭnikam stała viadoma, što adzin z žycharoŭ Mazyra dastaviŭ narkotyk z Maskvy z metaj prodažu. Pravaachoŭniki praviali ahlad na miescach žycharstva i ŭ transpartnych srodkach padazravanych. U vyniku vyjavili polietylenavyja pakiety i skrutki z falhi. U ich apynułasia prykładna 50 hramaŭ rečyva raślinnaha pachodžańnia karyčnievaha koleru. Ekśpiertyza ŭstanaviła, što heta hašyš.
U ciapierašni čas pravodziacca dalejšyja apieratyŭna-vyšukovyja mierapryjemstvy dla ŭstanaŭleńnia ŭsich udzielnikaŭ złačynnaj dziejnaści. U dačynieńni da raspaŭsiudnika i pastaŭščyka raspačata piać kryminalnych spraŭ za niezakonnaje pieramiaščeńnie narkotykaŭ praź miažu, ździejśnienaje hrupaj asob pa papiaredniaj zmovie, a taksama za niezakonnyja z metaj zbytu, nabyćcio, zachoŭvańnie, pieravozku narkatyčnych srodkaŭ, učynienyja hrupaj asob.
Darečy, u jakaści pakarańnia za złačynstva tolki pa adnym artykule — pierasoŭvańnie narkotykaŭ praź dziaržmiažu — pahražaje pazbaŭleńnie voli da dziesiaci hadoŭ z kanfiskacyjaj majomaści.
