Dla pahašeńnia dziaržaŭnaha doŭhu Ministerstva finansaŭ Biełarusi płanuje maksimalna zadziejničać niedaŭhavyja krynicy, paviedamiŭ karespandentu BiełTA namieśnik ministra finansaŭ Juryj Sielivierstaŭ.
«Kab skaračać doŭh, treba ŭ pieršuju čarhu jaho nia naroščvać. U suviazi z hetym nieabchodna maksimalna zadziejničać našy ŭnutranyja krynicy, kab pahašać stary doŭh i nie nazapašvać novy, pryciahvajučy zapazyčańni. Treba pravodzić vielmi uzvažanuju palityku»,
— padkreśliŭ namieśnik ministra.
Juryj Sielivierstaŭ paćvierdziŭ, što płanujecca zabiaśpiečyć dasiahnieńnie štohadovaha praficytu biudžetu ŭ abjomie ad $ 400 miljonaŭ da $ 700 miljonaŭ. Hetyja srodki buduć nakiroŭvacca na pahašeńnie dziaržaŭnaha doŭhu. «Praktyka nakiroŭvać častku dachodaŭ na pahašeńnie doŭhu jakraz i nakiravana na vykanańnie tych daručeńniaŭ, pra jakija kazaŭ kiraŭnik dziaržavy 2 sakavika», — zajaviŭ namieśnik ministra.
Pry hetym namieśnik ministra ŭdakładniŭ, što ŭpor na ŭnutranyja krynicy pry pahašeńni dziarždoŭhu nie aznačaje, što Biełaruś rezka spynić pryciahvać zapazyčańni na suśvietnych rynkach.
Nahadajem, 2 sakavika Alaksandr Łukašenka zapatrabavaŭ pazbavicca ad źniešnich daŭhoŭ.
