U žyvym efiry praz Fejsbuk Źmicier Daškievič vykazaŭ svaje dumki pra śviatkavańnie 100-hodździa BNR, jakoje było dazvolena ŭładami. U svajoj pramovie Daškievič skieptyčna vykazaŭsia pra arhkamitet, jaki abjadnaŭ pradstaŭnikoŭ roznych palityčnych sił.
Bolš za ŭsio Daškievič krytykavaŭ Mikołu Statkieviča i jaho prychilnikaŭ, jakija płanujuć sabracca na Płoščy Jakuba Kołasa a 14-aj hadzinie, u toj čas jak aficyjna dazvoleny kancert musić pačacca la Opiernaha teatra taksama a 14-aj hadzinie. Źmicier Daškievič ličyć, što takija dziejańni pracujuć na raźjadnańnie.
Pryznačeńnie šeścia prychilnikaŭ Statkieviča na adzin čas z dazvolenym kancertam la Opiernaha, na dumku Daškieviča, — destruktyŭny krok.
«Škada, što lidary, ź jakimi źviazvali nadziei Biełarusi, sami siabie dyskredytujuć», — adznačyŭ Daškievič.
