Alimpijskaha čempijona Antona Kušnira złamali na Hulniach u Pchiončchanie. Takoje mierkavańnie vykazaŭ siońnia žurnalistam Alaksandr Łukašenka, pieradaje BIEŁTA.
Adkazvajučy na pytańnie pra vystup Antona Kušnira ŭ Pchiončchanie i žadańni «ŭskałychnuć heta bałota», Alaksandr Łukašenka raskazaŭ, što pakul što vyznačajecca forum, dzie budzie padniataja dadzienaja prablema.
Kušnir nie trapiŭ u finał, prajhraŭšy šviejcarcu 0,45 bała. Taho ciahnuŭ napierad šviejcarski sudździa.
«Chutčej za ŭsio, heta budzie pasiadžeńnie Asacyjacyi nacyjanalnych alimpijskich kamitetaŭ (ANAK). Treba im u vočy prama skazać, što nikomu niama spravy da atletaŭ. Śpichvali adzin na adnaho, i plavać im na hetych spartsmienaŭ. Źbirajucca vuzkaj kupkaj i niešta tam vyrašajuć. Usie zabiurakratyzavana tak, što ciažka razabracca. Złamali alimpijskaha čempijona Antona Kušnira. Upeŭnieny, kali b vyjšaŭ jon u finał, to byŭ by ź miedalom. Dy i my druhi miedal u mužčynskaj łyžnaj akrabatycy vypuścili. Nie treba było Stanisłavu Hładčanku rabić takuju składanuju prahramu, spraści jon svoj skačok — i na trecim miescy», — adznačyŭ Alaksandr Łukašenka.
Pa słovach kiraŭnika dziaržavy, u bližejšy čas adbudziecca surjoznaja razmova sa staršyniami nahladalnych savietaŭ i kiraŭnikami fiederacyj zimovych vidaŭ sportu pa dalejšym raźvićci i dziejnaści hetych arhanizacyj.
