Fota sa staronki Ambasady ZŠA ŭ Minsku
Ambasada ZŠA ŭ Minsku zrabiła zajavu z nahody hadaviny Brest-Litoŭskaha mirnaha dahavoru 1918 hoda.
«Sto hod tamu byŭ padpisany Brest-Litoŭski mirny dahavor. Žach vajny schłynuŭ z hetaj ziamli, pakinuŭšy za saboj inšyja kanflikty, hora i zrujnavańni. Zaklučany mir byŭ, na žal, niadoŭhim.
Pieršaja suśvietnaja vajna pakinuła hłyboki adbitak na čałaviectvie. Razam z ambasadami inšych krain, što brali ŭdzieł u Vialikaj vajnie, Ambasada ZŠA addaje daninu pavahi zahinułym sałdatam i mirnym hramadzianam, a taksama ich rodnym. Štohod na Dzień pieramirja (11 listapada, kali krainy Antanty i błoku Centralnych dziaržaŭ damovilisia ab prypynieńni bajavych dziejańniaŭ) u honar achviar vajny hučyć zvon. Na Biełarusi byłyja vorahi lažać pobač adzin z adnym na šmatlikich mohiłkach uzdoŭž usioj byłoj linii frontu — u całkam źniščanaj tady Smarhoni, u Krevie, Barunach, Ašmianach, Bahdanavie, Miadzieli, Vałožynie, Baranavičach…
Biełarusy, jakim nikoli nie brakavała nastojlivaści i imknieńnia da spraviadlivaści i niezaležnaści, paśla zaklučeńnia miru zrabili sprobu ŭrešcie ŭstalavać ułasnuju dziaržaŭnaść. Adnak u viry supraćlehłych metaŭ, ambicyj, nastrojaŭ i vajennych prysutnaściaŭ Biełaruskaja Narodnaja Respublika ŭžo mieniej čym praz hod skanała. 25 Sakavika biełarusy buduć ušanoŭvać pamiać tych, chto nasupierak ciažkim, niespryjalnym abstavinam adstojvaŭ ich nacyjanalnuju identyčnaść i niezaležnaść», — havorycca ŭ zajavie.
