Ministr unutranych spraŭ Vialikabrytanii Embier Rad nazvała vykarystańnie niervova-paralityčnaha rečyva na terytoryi Brytanii, z dapamohaj jakoha była zroblenaja sproba zabojstva byłoha pałkoŭnika HRU Siarhieja Skrypala, nachabnym i dziorzkim krokam.
Rad zajaviła: «Hety napad byŭ ažyćcioŭleny samym žorstkim sposabam, publična». Pry hetym ministr zaklikała nie dapuskać śpiekulacyj vakoł incydentu i dać palicyi čas dla praviadzieńnia rasśledavańnia.
Jana taksama paabiacała, što Vialikabrytanija adkaža samym rašučym čynam na dziejańni złačyncaŭ, jak tolki stanie jasna, chto niasie adkaznaść za heta napad.
«My poŭnyja rašučaści zrabić usio mahčymaje, kab pryciahnuć vinavatych da adkaznaści, kim by jany ni byli i dzie b jany ni znachodzilisia».
Ministr paviedamiła, što dla zamachu było vykarystana vielmi redkaje atrutnaje rečyva. U ciapierašni čas supracoŭniki adździeła pa baraćbie z teraryzmam sprabujuć vyśvietlić jaho pachodžańnie.
Ekśpierty ŭžo vyśvietlili, što heta była za atruta, ale nie vydajuć hetuju infarmacyju ŭ intaresach śledstva.
Jak miarkujecca, heta rečyva bolš redkaje, čym zaryn — haz, vykarystany padčas chimičnych napadaŭ u Siryi i ŭ takijskim mietro ŭ 1995 hodzie.
Viadoma taksama, što, chutčej za ŭsio, heta nie VX — niervova-paralityčny taksin, pry dapamozie jakoha ŭ minułym hodzie byŭ zabity zvodny brat paŭnočnakarejskaha lidera Kim Čen Yna.
