U 21:30 8 sakavika kiroŭca hruzavik «Ivieka» pad Smalavičami źbiŭ žančynu, jakaja ruchałasia pa trasie M1 pa prajeznaj častcy, i nie spyniajučy pajechaŭ u bok Rasii, paviedamlaje DAI.
Uśled na jaje najechaŭ jašče i «Falksvahien Pasat». Ad atrymanych traŭm 65-hadovaja žančyna pamierła na miescy avaryi.
Jana nie była abaznačanaja flikieram, niesła ŭ rukach pakiet z ałkaholem. DAI ŭdakładniaje, što jaje jak piešachoda ŭžo štrafavali za parušeńnie praviłaŭ darožnaha ruchu.
31-hadovaha kiroŭcu «Ivieka» nieŭzabavie złavili pad Tałačynom. Tolki ŭ hetym hodzie jaho piać razoŭ karali za jazdu na niaspraŭnym aŭtamabili.
U kiroŭcy nie było ni strachoŭki, ni projdzienaha techahladu.
Zaviedziena kryminalnaja sprava.
0
0
0
0
0
0