Lidary kansiervatyŭnaha błoka Chryścijanska-demakratyčnaha i Chryścijanska-sacyjalnaha sajuzaŭ (CHDS/CHSS) i Sacyjał-demakratyčnaj partyi Hiermanii (SDPH) padpisali ŭ paniadziełak kaalicyjny dahavor, jaki laža ŭ asnovu pracy budučaha ŭrada krainy. Svaje podpisy pad dakumientam pastavili staršyni, kiraŭniki parłamienckich frakcyj i hienieralnyja sakratary partyj, paviedamlaje TASS.
Jak adznačyła pierad padpisańniem dahavora Anhieła Mierkiel, «pryjšoŭ samy čas pačać pracu». «Heta ŭrad prystupaje da jaje paśla doŭhaha pracesu farmiravańnia, što, biezumoŭna, źviazana z vynikami vybaraŭ [u Bundestah]», — adznačyła jana. «U kaalicyjnym pahadnieńni my pastaralisia znajści adkazy na pytańni, jakija chvalujuć hramadzian», — padkreśliła Mierkiel.
14 sakavika Bundestah prahałasuje pa kandydatury Anhieły Mierkiel na pasadu kanclera. CHDS/CHSS i SDPH majuć u parłamiencie 399 miescaŭ z 709, tak što nijakich prablem ź jaje pieravybrańniem paŭstać nie pavinna. Paśla hetaha prezident FRH ŭručyć Mierkiel i členam jaje novaha kabinieta hramaty ab pryznačeńni, i ŭrad aficyjna prystupić da vykanańnia svaich abaviazkaŭ.
