Fota Iryny Arachoŭskaj

Fota Iryny Arachoŭskaj

Absalutnaja balšynia žarsnych palemik, što biez spynu ŭspychvajuć u miedyjnaj prastory z nahody jubileja BNR, tyčacca muzykaŭ.

Dziŭna. Byccam reč idzie nie pra Vialikaje nacyjanalnaje śviata, a pra zabaŭlalnaje šou. Miž tym, aŭtarytet asobaŭ, što buduć pramaŭlać na schodach Opiernaha teatra, bolš istotny dla słavutaha jubileja, čym vystupy papularnych śpievakaŭ.

Inakš kažučy, vielmi pažadana, kab maštab hetych asobaŭ chacia b u niejkaj prajekcyi byŭ supastaŭny z maštabam padziei.

U hetym sensie tut vielmi budzie nie chapać:

— Ivonki Surviły, dziejnaha staršyni rady BNR;

— Zianona Paźniaka, jaki adradziŭ śviata Dnia Niezaležnaści ŭ Biełarusi;

— Śviatłany Aleksijevič, łaŭreata Nobieleŭskaj premii pa litaratury.

Užo viadoma, što spn. Surviła i sp. Paźniak nie zmohuć prysutničać na jubilejnych uračystaściach.

A ci źviartalisia arhanizatary da spn. Aleksijevič?

Prynamsi mnie takaja infarmacyja na vočy nie traplała. Kali heta nasamreč tak, to jašče jość čas pahavaryć z nobieleŭskaj łaŭreatkaj.

Naturalna, niama nijakaj harantyi, što ŭ spn. Śviatłany budzie mahčymaść (i žadańnie) pryniać zaprašeńnie. Ale kali jana pahodzicca, to śviata nabudzie jašče adno maštabnaje vymiareńnie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?