Padatkovyja orhany pracujuć pa vyjaŭleńni niezakonnaj dziejnaści asob pa pieravozcy hramadzian z dapamohaj servisaŭ pa pošuku spadarožnikaŭ, paviedamlaje BiełTA.
«Padatkovymi orhanami na pastajannaj asnovie pravodziacca kantrolnyja mierapryjemstvy, nakiravanyja na vyjaŭleńnie i spynieńnie niezarehistravanaj pradprymalnickaj dziejnaści hramadzian, u tym liku z vykarystańniem sajta BeepCar.ru», — padkreślili ŭ MPZ.
U viedamstvie patłumačyli, što ŭmovy funkcyjanavańnia takich sajtaŭ pa pošuku spadarožnikaŭ, jak BeepCar.ru, u Biełarusi źmianiacca nie buduć. Uvaha padatkovych orhanaŭ budzie nakiravana tolki na tyja pajezdki, jakija ździajśniajucca z metaj atrymańnia prybytku — heta značyć źjaŭlajucca niezakonnaj pradprymalnickaj dziejnaściu.
«Niekatoryja pieravozčyki vykarystoŭvajuć padobnyja resursy, kab šukać sabie klijentaŭ, i robiać heta na pastajannaj asnovie, a heta ŭžo niezakonnaja pradprymalnickaja dziejnaść», — adznačyli ŭ MPZ.