Za zabojstva maci samarobnaj šablaj niepaŭnaletni žychar Voranava prysudžany da 10 hadoŭ kałonii, paviedamlaje BiełTA.
Prakuratura Hrodzienskaj vobłaści ŭ sudzie Voranaŭskaha rajona padtrymała dziaržaŭnaje abvinavačańnie pa kryminalnaj spravie ŭ dačynieńni da žychara Voranava 2000 hoda naradžeńnia. Sudom ustanoŭlena, što 11 vieraśnia minułaha hoda chłopiec padčas svarki nanios maci čatyry ŭdary samarobnaj šablaj. Paśla jon pasprabavaŭ schavać ślady złačynstva i schavaŭ cieła ŭ chmyźniaku pablizu voziera ŭ Voranavie.
25 vieraśnia trup vyjavili supracoŭniki milicyi. «U sudovym pasiadžeńni niepaŭnahadovy svaju vinu ŭ zabojstvie pryznaŭ całkam.
Sud pryznaŭ jaho vinavatym i pryhavaryŭ da 10 hadoŭ pazbaŭleńnia voli z adbyvańniem pakarańnia ŭ vychavaŭčaj kałonii.
