Huawei P20 Pro i Huawei P20
Kamiera
Try asnoŭnyja moduli:
- 8 Mp — daŭhafokusny kalarovy datčyk dla 3-razovaha pavieličeńnia
- 20 Mp — čorna-bieły dla bolšaj vyraznaści i detalizacyi zdymkaŭ
- 40 Mp — kalarovy datčyk dla zvyčajnaj zdymki i piacirazovaha hibrydnaha zumu
Usia hetaja sistema stvoranaja znakamitym vytvorcam fotatechniki Leica.
Maksimalnaja śvietasiła f/1.6 — pakazčyk dobry, ale nie rekordny (rekord naležyć Samsung z f/1.5 u Galaxy S9).
Asnoŭnaje adroźnieńnie P20 ad P20 Pro — adsutnaść modula na 40 Mp. Heta značyć, što małodšaja madel maje tolki 2-razovy zum, jak i mnohija fłahmany inšych kampanj (iPhone X, Samsung Galaxy Note8 i inš.).
Ekran
U Huawei P20 Pro — 6,1-calevaja AMOLED-matryca z razroźnieńniem Full HD+ (2240x1080) i vyrazam, jak u iPhone X. Ekran maje hłyboki čorny koler, tak što ŭ vyklučanym stanie abo ź ciomnymi špalerami vyraz na im navat nieprykmietny.
Funkcyi ekrannych knopak u P20 možna pierapryznačyć na navihacyjnuju kłavišu pad ekranam. Svajp naleva abo naprava buduć vykonvać funkcyi viartańnia ci vykliku dyśpietčara zadač.
Funkcyjanalnaść
U Huawei P20 vykarystoŭvajecca batareja na 3400 mAh — dastatkovy abjom, kab pryłada pracavała paŭtara-dva dnia biez padzaradki. U P20 Pro — užo na 4000 mAh, i ŭ spałučeńni z OLED ekranam čas pracy budzie na niekalki hadzin bolš.
Abodva smartfony pastaŭlajucca z 128 HB pamiaci i 4 ci 6 HB apieratyŭnaje pamiaci adpaviedna. Karty pamiaci nie padtrymlivajucca.
Pracesar — Kirin 970 sa štučnym intelektam, jaki patrebny pry zdymcy: jon vyznačaje scenu, analizuje, što ŭ kadry, i padbiraje patrebnyja nałady.
Majecca abarona ad vilhaci i pyłu (IP67), a voś tradycyjnaha 3,5-milimietrovaha parta dla navušnikaŭ niama. U starejšaj madeli jość stereadynamiki z Dolby.
Smartfony pracujuć na AS Android 8.1 Nougat ź firmovaj abałonkaj EMUI 8.1.