Brytanskaja palicyja raspaŭsiudziła zajavu ad asoby dački atručanaha ŭ Sołśbiery eks-pałkoŭnika HRU Siarhieja Skrypala Julii. U im havorycca, što dziaŭčyna «pačynaje novaje žyćcio» i pakul nie choča bačyć ni supracoŭnikaŭ rasijskaha pasolstva, ni svaju stryječnuju siastru Viktoryju.
U zajavie Skrypal havorycca, što jaje vypisali ź lakarni 9 krasavika, ale jaje baćka pa-raniejšamu znachodzicca ŭ špitali.
«Ja znachodžusia ŭ kantakcie ź siabrami i ź siamjoj, i mnie raspaviali ab prapanovie supracoŭnikaŭ pasolstva Rasii akazać mnie lubuju dapamohu. Pakul ja nie chaču źviartacca da ich pasłuh, ale kali pieriedumaju, to viedaju, jak ź imi źviazacca», — havorycca ŭ zajavie.
7 krasavika Brytanskija ŭłady admovili ŭ vizie Viktoryi Skrypal, jakaja da hetaha momantu stała stałaj hościaj rasijskich tok-šou.
