Michaił Cejcin.
Na 98-m hodzie žyćcia pamior patryjarch savieckaha i biełaruskaha sportu Michaił Iljič Cejcin, paviedamili ŭ pres-słužbie Ministerstva sportu i turyzmu.
Michaił Cejcin źjaŭlaŭsia majstram sportu pa akrabatycy, zasłužanym trenieram SSSR i Biełarusi, sudździoj mižnarodnaj katehoryi. Vajavaŭ padčas finskaj kampanii. Vieteran Vialikaj Ajčynnaj vajny.
Z 1947 hoda Michaił Iljič vykładaŭ u Instytucie fizkultury (ciapier BDUFK). U 1970-m staŭ dacentam. Aŭtar mietodyki ŭmacavańnia viestybularnaha aparata dla kasmanaŭtaŭ.
Pracavaŭ z futbalistami minskaha «Dynama», u tym liku ŭ ich «załaty» siezon 1982 hoda.
Vystupaŭ u jakaści režysiora mnohich spartyŭna-teatralizavanych śviat u Minsku, Maskvie, Kazani i Ułan-Batary.
Da apošniaha času vykładaŭ na kafiedry himnastyki BDUFK.
Raźvitańnie ź Michaiłam Iljičom adbudziecca 16 krasavika ŭ rytualnaj zale krematoryja Paŭnočnych mohiłak. Pačatak a 14-j. Ad hałoŭnaha ŭvachodu BDUFK a 13-j da mohiłkach adpravicca aŭtobus.
