Zboram statystyki pra karystalnikaŭ internetu zajmajucca roznyja kampanii. Adna z najbolš aŭtarytetnych — irłandskaja StatCounter, dadzienyja jakoj my i vykarystoŭvajem u našych artykułach.
U śviecie
U 2006 hodzie ŭ Oksfardskim słoŭniku anhlijskaj movy źjaviłasia novaje słova — dziejasłoŭ «huhlić» («to google»). Pryčynaj hetaha stała nadzvyčajnaja papularnaść pošukavaj sistemy Google ŭ anhłamoŭnym śviecie. I pa siońnia u svajoj halinie kampanija źjaŭlajecca badaj što suśvietnym manapalistam.
Nievialikaj papularnaściu karystajecca pošukavaja sistema Bing ad Microsoft, jakaja ŭstalavanaja ŭ jakaści pošukavika pa zmaŭčańni na kampjutarach pad kiraŭnictvam Windows, a taksama Yahoo!, dola jakoj pakrysie padaje.
Čyrvonym koleram paznačany «Google», sinim — «Bing», žoŭtym — «Yahoo!».
Cikava, što na radzimie Google, u ZŠA, jaho papularnaść krychu mienšaja, čym u śviecie — 87% suprać 91%.
Praniknieńnie pošukavaj sistemy rasijskaha «Jandeksu» na suśvietny rynak zaraz znachodzicca na ŭzroŭni 0,68%. Adnak situacyja ŭ Biełarusi zusim inšaja.
U Biełarusi
«Jandeks» najbolš papularny ŭ Rasii, Biełarusi, Kazachstanie, a taksama Turcyi. Tak, dola hetaha pošukavika ŭ Rasii składaje bolš za 53%, pieravyšajučy navat dolu Google. U Biełarusi ž ličby inšyja.
Jak bačna, rasijskimi servisami «Jandeks» i «Mejł.ru» karystajecca akurat tracina biełarusaŭ. Voś, jak vyhladaje karcina zmahańnia za lidarstva ŭ našaj krainie pošukavikaŭ «Jandeks» i «Google» u dynamicy:
Čyrvonym koleram paznačany «Google», sinim — «Jandeks».
Jak vidać z hrafika, paśla piacihadovaha źnižeńnia papularnaści, pošukavaja sistema «Jandeks» adnaviła svoj rost u pačatku 2017 hoda. Ale heta naŭrad ci aznačaje, što Google moža sastupić rasijskaj kampanii lidarstva na rynku Biełarusi: servisy Google źjaŭlajucca standartnymi dla apieracyjnaje sistemy Android, pad kiraŭnictvam jakoj pracuje 83% smartfonaŭ u našaj krainie, a taksama dla braŭzera Chrome, jakim karystajucca 50% biełarusaŭ.
Čytajcie taksama:
Jakimi apieracyjnymi sistemami karystajecca ŭvieś śviet i Biełaruś: statystyka
Jakija braŭzery zaraz samyja papularnyja ŭ śviecie i ŭ Biełarusi: pieravahi, niedachopy i krychu historyi
