Chakieisty junackaj (U18) zbornaj Biełarusi 23 krasavika ŭ Mahnitahorsku atrymali valavuju pieramohu nad Šviejcaryjaj na čempijanacie śvietu i harantavali sabie propusk u čverćfinał, druhi hod zapar zachavaŭšy prapisku ŭ elitnym dyvizijonie.
Sastupajučy amal da siaredziny matča z roźnicaj u dźvie šajby, biełarusy zatym zdoleli try razy zapar trapić u varoty šviejcarcaŭ i vyrvalisia napierad. Adnak pravał u siaredzinie treciaha pieryjadu ledź nie pierakreśliŭ usie namahańni - supiernik zakinuŭ dvojčy na praciahu 46 siekund i viarnuŭ sabie pieravahu.
Ale fantastyčnaja kancoŭka ŭ vykanańni biełarusaŭ pavierhła šviejcarcaŭ u šok. Leŭšunoŭ i Alistraŭ znoŭ prabili alpijskaha hałkipiera i vyrvali pieramohu — 5:4
Papiaredni etap čempijanatu śvietu zbornaja Biełarusi zavieršyć matčam suprać adnahodkaŭ z ZŠA (24 krasavika).
