U najbližejšy čas u Minsku źjaviacca taksama vulicy ŭ honar Arkadzia Smoliča i Alesia Dudara. A skvier płanujecca nazvać u honar byłoha minskaha mera Alaksandra Hierasimienki.
Tut jość niuans, što vulica Hierasimienki ŭ Minsku ŭžo jość, ale nie Alaksandra, a Nazara — padpolščyka časoŭ vajny.
«My źviartalisia ŭ dziaržaŭny kamitet pa majomaści i jany patłumačyli, što skvier adnaho Hierasimienki pry najaŭnaści vulicy inšaha Hierasimienki nie supiarečyć zakonie», — patłumačyli «Našaj Nivie» va ŭpraŭleńni ideałohii Minharvykankama.
«Taksama ŭ nas jość śpis z 65 asobaŭ, jakich treba ŭhanaravać u tapanimicy. Pieršymi ŭ śpisie iduć Vasil Bykaŭ, Michaś Savicki, Ryhor Baradulin, Hienadź Buraŭkin. Kali jany źjaviacca? Kali buduć pabudavanyja novyja vulicy. Ale znoŭ ža, byvaje, unosiacca karekciroŭki ŭ čarzie najmienavańniaŭ. Naprykład, śviatkujecca stahodździe Pahraničnych vojskaŭ, i my nazyvajem «virtualnuju» vulicu ŭ honar pahraničnika, hieroja SSSR Jaŭhiena Mirkoŭskaha», — tłumačać haradskija ŭłady.
