Prahrama «Viaskoŭcy» adkryvaje śvietu novych kałarytnych ludziej ź nievialičkich biełaruskich sieliščaŭ. Hetym razam viadoŭca prahramy Viktar Šukiełovič haściavaŭ u vioscy Brylki pad Vałožynam u haspadaroŭ, jakija ŭpryhožyli svaju siadzibu, vykarystaŭšy ažno 110 tys. płastykavych korkaŭ.
Viadoŭca vyśviatlaŭ, jak źjaviłasia ideja ŭpryhožyć korkami chatu dy jak pačałosia jaje ažyćciaŭleńnie; što kažuć inšyja viaskoŭcy pra aryhinalnaje ŭpryhožańnie i ci sami nie chočuć hetak ža azdobić svaje sialiby; ci lohka było sabrać stolki korkaŭ i?
Haspadar domu — spadar Uładzimir — raspavioŭ taksama, što jahonyja prodki pachodziać z Ukrainy, tamu jon vielmi pierajmajecca, što na Danbasie dahetul tryvaje vajna. Viaskoviec zrabiŭ na ścianie svajoj chaty admysłovy nadpis, źviarnuŭšysia da ŭdzielnikaŭ kanfliktu: «Zajmajciesia kachańniem, a nie vajnoj».
Viadoŭca Viktar Šukiełovič nie tolki sam prybivaŭ korki da ścien, ale i vyvučaŭ novyja słovy z Brylkoŭ, hatavaŭ mačanku i hrybnuju poliŭku, a taksama rabiŭ razam z haspadyniaj — spadaryniaj Alenaj — viaskovaje piečyva ŭ vyhladzie hryboŭ, jakoje raniej piakli na viasielli.
Nie abyšłosia taksama biez pačastunkaŭ i dušeŭnych razmovaŭ, kali hieroi raspaviali pra svaje losy i padzialilisia najbolš jarkimi ŭspaminami ź dziacinstva.
