Rasijskija boty sprabavali dapamahčy lidaru apazicyjnaj Lejbarysckaj partyi Džeremi Korbinu vyjhrać letašnija vybary, havorycca ŭ sumiesnym rasśledavańni haziety Times.
«U ramkach rasśledavańnia atrymałasia vyjavić 6 500 rasijskich akaŭntaŭ u Twitter, jakija aktyŭna ahitavali za Korbina za niekalki tydniaŭ da vybaraŭ. Šmat akaŭntaŭ mieli ŭ profili žanočyja anhlijskija imiony, ale nasamreč kiravalisia botami», — piša vydańnie.
Sama Lejbarysckaja partyja, da jakoj hazieta źviarnułasia pa kamientar, paviedamiła, što jana «nie viedaje ni pra jakija aŭtamatyzavanyja boty, nie płaciła za hetyja pasłuhi i nie viedaje ničoha pra prychilnikaŭ partyi, jakija mahli b hetym zajmacca».
U toj ža čas lejbarysty vykazali zdahadku, što rasijskija boty mahli padtrymlivać kansiervataraŭ.
