U siale Karpackaje Turkaŭskaha rajona Lvoŭskaj vobłaści padčas aŭtamabilnaj ekśpiedycyi z hary źlacieła mašyna ź biełaruskim ekipažam. Paciarpieli dvoje biełarusaŭ, jany žychary Minska.
Niaščasny vypadak adbyŭsia kala hary Pikuj, fota «Varta 1».
Jak pieradaje ZAXID.NET, paciarpiełych — dvuch žycharoŭ Minska — u stanie siaredniaj ciažkaści dastavili ŭ Turkoŭski rajonny špital.
Udzielniki zajezdu i ratavalniki na miescy avaryi, fota «Varta 1».
U Lvoŭskaj vobłaści 28 krasavika — 1 maja prachodzić trofi-ekśpiedycyja «Karpacki Kardon '18». Udzielniki mierapryjemstva pavinny byli startavać ź pieravała Užockaha, a finišavać na Torunskim pieravale. Udzielniki pavinny byli prakładać ŭłasnyja maršruty, nia paŭtarajučy inšych. Usiaho ŭ ekśpiedycyi płanavali ŭdzielničać niekalki dziesiatkaŭ ekipažaŭ. Adznačajecca, što trofi-rejd byŭ nia spartovym spabornictvam, a sposabam baŭleńnia volnaha času, padarožžam pa Karpatach na ŭsiedarožnikach.
