Minabarony i MZS Čechii paćvierdzili słovy prezidenta Zemana, što ŭ krainie sintezavali rečyva hrupy «Navičok» A234, ale ŭ Sołśbiery jano nie vykarystoŭvałasia. Sintez išoŭ ź viedama AZCHZ i ŭ mikraabjomach, jakija potym źniščalisia.
Pres-słužba češskaha MZS patłumačyła, što łabaratoryja ŭ Brno, zahadzia atrymaŭšy dazvoł ad Arhanizacyi pa zabaronie chimičnaj zbroi (AZCHZ), sapraŭdy pravodziła analiz atrutnaj substancyi ŭ nievialikich abjomach — niekalki mikrahramaŭ (miljonnaja dola hrama).
U MZS Čechii taksama zajavili, što pry napadzie ŭ Sołśbiery 4 sakavika złamyśniki vykarystali niervova-paralityčnaje rečyva A234, ale nie A320, jaki vyvučaŭsia i byŭ sintezavany ŭ łabaratoryi ŭ Brno. Abiedźvie atruty ŭvachodziać u hrupu bajavych atrutnych rečyvaŭ niervova-paralityčnaha dziejańnia, viadomuju jak «Navičok».