Pašynian vystupaje ŭ parłamiencie 8 maja
Parłamient Armienii vybraŭ lidara apazicyjnaha ruchu, deputata ad apazicyjnaha błoka «Jełk» Nikoła Pašyniana premjer-ministram respubliki. Jaho papiarednik Sierž Sarhsian syšoŭ u adstaŭku z-za pratestaŭ.
Jaho kandydaturu (inšych pretendentaŭ na pasadu premjer-ministra nie było) padtrymali 58 deputataŭ parłamienta pry nieabchodnym minimumie ŭ 53 hałasy, suprać prahałasavali 42, jašče adzin parłamientaryj ustrymaŭsia.
Pavodle kanstytucyi Armienii, premjer abirajecca deputatami parłamienta (u im 105 miescaŭ) prostaj bolšaściu hałasoŭ. Ciapier Pašynianu treba budzie sfarmiravać svoj kabiniet ministraŭ, a zatym — pradstavić parłamientu svaju prahramu dziejańniaŭ. Abiedźvie pracedury taksama patrabujuć hałasavańnia ŭ parłamiencie.
Pres-sakratar Pašyniana Tyhran Avinian zajaviŭ RBK, što Pašynian nie maje namieru nadoŭha zajmać pasadu kiraŭnika premjera i «praz try-šeść miesiacaŭ składzie paŭnamoctvy». «My farmirujem časovy ŭrad, kab arhanizavać sumlennyja vybary parłamienta, pastajanny ŭrad nie ŭvachodzić u našy płany», — padkreśliŭ jon.
Nahadajem, što 1 maja parłamient nie zmoh abrać Pašyniana premjeram, tady suprać prahałasavała Respublikanskaja partyja.