Kampanija Google abiacaje pryniać miery, kab hramadzianie, jakim budzie telefanavać z kamiercyjnymi ci dziełavymi metami bot, nie zbłytali jaho z žyvym čałaviekam.
Novaja raspracoŭka — bot Duplex — sintezuje čałaviečaje maŭleńnie tak jakasna, što na słych nijakich mašynnych intanacyj ŭłavić niemahčyma.
Usie, kamu patelefanuje bot, buduć papiaredžany, što ź imi razmaŭlaje kampjutar.
Zdolnaści bota Duplex imitavać hołas čałavieka byli prademanstravany na hetym tydni na arhanizavanaj Google kanfierencyi raspracoŭnikaŭ. Bot patelefanavaŭ u cyrulniu, kab zareziervavać čas stryžki.
U zajavie Google havorycca, što kampanija acaniła ŭsie arhumienty, vyłučanyja pry abmierkavańni novaj raspracoŭki, i razumieje važnaść sumlennaha i prazrystaha vykarystańnia novych technałohij.
Bot demanstravaŭ svaje zdolnaści sa sceny.
Demanstracyja hałasavych zdolnaściej Duplex spałochała prafiesara univiersiteta Paŭnočnaj Karaliny Zejnep Ciufiekčy, jakaja vyvučaje ŭzajemny ŭpłyŭ novych technałohij i hramadstva. Jana nazvała prahramu žachlivaj i acharaktaryzavała jaje jak «vidavočnaje zło».
Niekalki paźniej jana napisała ŭ «Tvitary», što heta pramy, śviadomy padman karystalnikaŭ.
«Tak jak ličbavyja technałohii ŭsio lepš spraŭlajucca z tym, što zvyčajna robiać ludzi, to ŭpor treba rabić na abaronie ludziej, na toje, jak adroźnivać ludziej i mašyny, i jak stvaryć nadziejnyja apaznavalnyja sihnały, chto jość chto», — napisała Zejnep Ciufiekčy ŭ «Tvitary».
