«U kosaŭskim pałacy Pusłoŭskich aburyła toje, što ŭsie teksty ŭ ekspazicyi aformlenyja tolki pa-rasijsku i pa-anhielsku, — piša ŭ siabie ŭ fejsbuku žychar Rečycy Andrej Miadźviedzieŭ. — Navat maleńkija papierački, nabranyja ŭ Vordzie i razdrukavanyja na zvyčajnaj papiery, jakimi padpisanyja asobnyja ekspanaty, i tyja tolki na «obščapaniatnam» i «internacyjanalnaj». Na našaj — ani słova.
Pajšoŭ šukać kahoś z pracaŭnikoŭ muzieja (pałac zaraz źjaŭlajecca filijaj muzieja-siadziby Kaściuški) i natknuŭsia na dyrektarku muzieja, jakoj užo vykazvaŭ toje samaje niejki spadar u stałym vieku. Vyrašyli ź im pajści ŭ sam Kaściuškaŭski muziej i napisać prapanovu dapoŭnić ekspazicyju našaj movaj. Pryjšli, a tam jašče i dziaŭčyna niejkaje čakaje tuju knihu i z tajeiu ž temaj.
Akazałasia, tyja stendy litaralna napiaredadni pryvioz im Minkult.
Situacyja vielmi niepryjemnaja, ale ja, usio ž źlitaściviŭsia i vyrašyŭ nie psavać muziejščycam śviata. Ale ž jak heta tak: my tut niejki «Savuškaŭ pradukt» prymušajem kiefir pa-biełarusku padpisvać, a ŭ našych muziejach, našym honary, miescach, šmat u čym śviatych dla biełarusaŭ, Minkult robić ekspazicyi na jakich zaŭhodna movach, aby tolki nie na našaj.
Siabry, davajcie zakidajem toj Minkult haniebnymi dopisami, kab u muziejach była naša mova. Tolki, kali łaska, pišučy, dumajcie pra karektnaść. Nie padstaŭlajcie tych, chto chacia b niešta robić dla biełaruščyny», — zaklikaje Andrej Miadźviedzieŭ.
