Termin jaho pakarańnia źmienšany da 1 hodu 9 miesiacaŭ źniavoleńnia. Daičy Jošyda vyjdzie na volu 22 traŭnia. Pra heta Radyjo Svaboda paviedamiła siamja źniavolenaha.
Daičy Jošyda, fota «Radyjo Svaboda».
Daičy Jošyda — japonski mastak, jaki maluje ŭ styli manha. U 2016 hodzie jon byŭ zaprošany na festyval manha ŭ Adesu. U Kijevie nabyŭ u antykvarnaj kramie roznyja častki zbroi da 1945 hodu vypusku, kab vykarystoŭvać ich u jakaści madelaŭ dla malunkaŭ.
15 žniŭnia 2016 hodu Daičy Jošyda vylecieŭ maršrutam z Kijeva ŭ Tokijo z tranzytnymi pierasadkami ŭ aeraportach Miensku i Abu-Dabi. Jon śćviardžaje, što słužba biaśpieki ŭ aeraporcie Kijeva pravieryła i sfatahrafavała ŭsie častki zbroi, jakija znachodzilisia ŭ jahonym zarehistravanym bahažy, i dapuściła jaho na rejs. U Miensku Daičy Jošyda byŭ zatrymany, a ŭ krasaviku 2017-ha asudžany na 4 hady 6 miesiacaŭ źniavoleńnia za niezakonny pravoz i pieramiaščeńnie praź dziaržaŭnuju miažu Respubliki Biełaruś ahniastrelnaj zbroi.
Daičy Jošyda nieadnarazova sprabavaŭ abskardzić prysud, nastojvajučy na svajoj nievinavataści. 13 lutaha 2018 hodu Viarchoŭny sud admoviŭsia pierahladać spravu Daičy Jošyda i nazvaŭ jahony prysud spraviadlivym.
Paśla hetaha siamja Jošyda dvojčy źviartałasia ź listom da Alaksandra Łukašenki.
