Trochi ličbaŭ, jakija adlustroŭvajuć, nakolki šalonyja abjomy pracy vykonvaje maderatar kamientaŭ NN.
Kolkaść kamientaŭ, raźmieščanych na NN, za apošnija 12 miesiacaŭ skłała 284 000. Za papiaredni anałahičny pieryjad ich było 235 000. Jašče hodam raniej — 179 000.
Prymaje ich adzin-adziny čałaviek, jaki pracuje dzień i noč, pieryjadyčna. (Darečy, usprymajcie spakojna, kali časam kamienty nie prymajucca niekalki hadzin. Jany prosta čakajuć na premaderacyi.)
Ujavicie, što ŭ siarednim za dzień i noč jon pračytvaje kala 1150 kamientaŭ, 350 ź ich vydalaje, a 800 prymaje.
Varta adznačyć, što dola kamientaŭ, jakija my vydalajem, istotna vyrasła, paśla taho jak my pastrožyli praviła maderacyi. Na siońnia my vydalajem kala 30% raźmieščanych kamientaŭ. I, tym nie mienš, vał kamientaŭ raście.
Jašče raz nahadajem našy bazavyja praviły kamientavańnia.
Praviły kamientavańnia
Nie buduć prymacca nastupnyja vykazvańni:
- Kamienty, jakija ŭtrymlivajuć nienarmatyŭnuju leksiku i nieprystojnaści.
- Kamienty, jakija ŭtrymlivajuć turemny žarhon.
- Kamienty, što ŭtrymlivajuć mižnacyjanalnyja, mižrelihijnyja dy inšyja vypady, taksama tyja, u jakich ź niehatyvam padkreślivajecca pachodžańnie ci nacyjanalnyja tradycyi, u jakich zamiest samanazovaŭ nacyj vykarystoŭvajucca mianuški (bulbašy, maskali, chachły, śviadomyja, rahuli, pšeki, vatniki i h.d.).
- Kamienty, jakija staviać pad sumnieŭ prava biełarusaŭ na ŭłasnuju kulturu, movu, dziaržavu, a taksama ksienafobskija kamientary.
- Kamienty, u jakich vykazvajecca radaść z nahody zaviedama trahičnych padziej: śmierciaŭ, avaryj, katastrof.
- Kamienty, u jakich pierakručvajucca, abyhryvajucca imiony i proźviščy.
- Kamientary, jakija ŭtrymlivajuć zaŭvahi pra fizičnyja niedachopy ludziej — krytykujcie ŭčynki, a nie vyhlad (atłuścieły, pierakošanaja i h.d.).
- Kamienty, jakija ŭtrymlivajuć zakliki da hvałtu ci samasudu.
- Kamienty, jakija ŭtrymlivajuć paraŭnańni ludziej ci arhanizacyj z nacystami.
- Kamienty, jakija ŭtrymlivajuć dadumki pra intymnaje žyćcio hierojaŭ publikacyi.
- Kamienty, u jakich pravodzicca paraŭnańnie ludziej z žyviołami, jakija zaviedama majuć niehatyŭnuju kanatacyju: arłom nazyvać možna, šakałam ci baranam — nie.
- Kamienty, u jakich ludziej nazyvajuć złačyncami, pakul heta nie dakazana sudom.
- Naŭprostavyja i inšaskazalnyja pažadańni śmierci, pakutaŭ ci fizičnych kalectvaŭ.
- Kamienty, u jakich abjekty, źjavy ci ŭčynki paraŭnoŭvajucca z pracesami čałaviečaj fizijałohii, dzie jość usiakija analnyja i fiekalnyja asacyjacyi.
- Kamienty, skiravanyja suprać «Našaj Nivy» ci asoby aŭtara. Aceńvajcie artykuł, a nie aŭtara.
- Biessensoŭnyja kamienty, fłud, spam.
- Nieapraŭdana doŭhija kamienty ci cytavańni. Jany mohuć vydalacca prosta tamu, što maderataru niama kali ich vyčytvać.
- Rekłamnyja paviedamleńni i kamienty, jakija staviać svajoj metaj tolki rekłamu tych ci inšych pierson, arhanizacyj, partyj, ruchaŭ. Hipierspasyłki na inšyja sajty (my, jak praviła, nie majem mahčymaści praviarać, što tam).
- Kamienty, jakija ŭtrymlivajuć asabistuju infarmacyju (adrasy, telefony, inšyja kantaktnyja źviestki).
- Sprečki z maderatarami, parady i abmierkavańnie rašeńniaŭ maderataraŭ.
- Apošniaje i samaje hałoŭnaje. Maderatar adciapier maje prava vydalać kamienty subjektyŭna, prosta za brudny, bieskulturny ton.
Čytajcie taksama: «Naša Niva» mianiaje palityku maderacyi kamientaroŭ
