Zdareńnie adbyłosia ŭ subotu na stancyi «Uša» (Maładziečanski rajon): 24-hadovaja dziaŭčyna lehła pad elektryčku, raspaviała kraj.by vidavočca.
— Ja jechała ŭ elektryčcy Maładziečna — Minsk. Vyjšła na stancyi Uša. Heta było prykładna ŭ 19.37. Pakul ciahnik stajaŭ, dziaŭčyna zalezła pad vahon na piešachodny naścił. Elektryčka pajechała, skryniaj, jakaja prymacavana pad vahonam, dziaŭčynu adkinuła ŭ kalainu pamiž rejek. Mašynist nie moh jaje bačyć, i ciahnik, nie spyniajučysia, pajechaŭ u Minsk.
Paciarpiełuju zabrała chutkaja dapamoha. Dziaŭčyna žyvaja, paviedamiŭ namieśnik hałoŭnaha doktara Maładziečanskaj centralnaj rajonnaj balnicy Ivan Łužynski: «Ciapier jana znachodzicca pad našym uzmocnienym kantrolem. Prahnoz jaje vyzdaraŭleńnia stanoŭčy».
