U rasijanina, jaki z Polščy zajazdžaŭ u Biełaruś praz punkt mytnaha afarmleńnia «Piasčatka», znajšli rasijskija rubli, dalary i jeŭra — ahułam kala 13 tysiač dalaraŭ u ekvivalencie. Mytniki vyjavili hrošy siarod asabistych rečaŭ mužčyny, jaki vyjazdžaŭ z «zialonaha» kalidora, paviedamlajuć u Bresckaj mytni.
Mytniki znajšli 36 tysiač rasijskich rubloŭ, 10.200 jeŭra i 400 dalaraŭ. U Bresckaj mytni nahadvajuć, što valutu ŭ ekvivalencie bolš za 10 tysiač dalaraŭ treba dekłaravać.
— Hrašovyja srodki, pieramiaščeńnie jakich dazvalałasia biez dekłaravańnia, viernutyja 53-hadovamu hramadzianinu. Častka valuty, jakaja pieravyšaje dazvoleny ekvivalent 10 tysiač dalaraŭ, kanfiskavana da rašeńnia suda, — adznačajuć u Bresckaj mytni.
Bresckija mytniki z pačatku hetaha hoda ŭžo ŭ 25-y raz znachodziać «lišnija» hrošy ŭ padarožnikaŭ.
