Barysaŭčanie, žychary mikrarajona ŭ miežach vulicy Vatucina, vystupajuć suprać uźviadzieńnia chrama na terytoryi zialonaj zony pobač ź ich šmatpaviarchoŭkami, piša Młyn.by.
Tam pavinien źjavicca chramavy kompleks prychoda ŭ honar śviatoha praviednaha Iaana Kranštackaha.
Haradžanie ličać, što ŭ pramysłovym horadzie z takoj kolkaściu fabryk i zavodaŭ niedapuščalna źniščać lasny masiŭ pablizu žyłych damoŭ.
U zialonaj zonie lubiać špacyravać maładyja mamy z kalaskami, pažyłyja ludzi. Hety zialony aazis — vyratavańnie dla tych, chto pakutuje na zachvorvańni orhanaŭ dychańnia.
— Ja nie suprać samoha chrama, ja suprać jaho budaŭnictva mienavita na hetaj terytoryi, — padzialiłasia svaim mierkavańniem Hanna K. — tut lublu špacyravać sa svajoj unučkaj. Bo ŭ našym rajonie pablizu bolš i niama niejkaha parku. Dy i sasnovaje pavietra karysnaje dla zdaroŭja.
— Lepš by pabudavali tut škołu abo dziciačy sad, — nie chavaje svajoj niezadavolenaści Kaciaryna Baraksanava. — Liču, što ŭ našym horadzie dosyć chramaŭ — niama nieabchodnaści jašče ŭ adnym. Mnie, naprykład, nie składana sieści na aŭtobus i padjechać u inšuju carkvu, heta nie tak daloka ad majho doma.
Pradstaŭniki Barysaŭskaj jeparchii zapeŭnivajuć, što pry budaŭnictvie chrama nie budzie pravodzicca vysiakańnie dreŭ.
— Chaciełasia b rastłumačyć haradžanam, što chramavy kompleks upryhožyć terytoryju vulicy Vatucina. Heta budzie nie tolki miesca sabornaj malitvy: dla chramavaj terytoryi advodzicca prykładna treciaja častka zialonaj zony, tut budzie i dziciačaja placoŭka, — rastłumačyli ŭ pres-słužbie Barysaŭskaj jeparchii.