Siońnia na budoŭli novaha inžyniernaha korpusa Minskaha mietrapalitena kala univiersiteckaha haradka BDU znajšli nadmahilnyja plity ź jaŭrejskich mohiłak. Jak jany mahli tam źjavicca?
Budoŭla novaha inžyniernaha korpusa idzie pamiž vulicaj Leninhradskaj i płoščaj Niezaležnaści. Jak napisaŭ u Fejsbuku krajaznaŭca Uładzimir Sadoŭski, raboty arhanizavany na miescy źniesienaha ŭ 2003 hodzie davajennaha korpusa BDU.
— Tam, vidać, raskapali padmurki byłoha bijafaka, jakija pry budaŭnićvie ŭ kancy 1920-ch składali z mahilnych plit likvidavanych jak raz u toj čas jaŭrejskich mohiłak na Uljanaŭskaj (na miescy jakich zaraz stadyjon «Dynama»), — napisaŭ Sadoŭski.
Krychu paźniej jon dadaŭ, što na miescy budučaha univiersiteckaha haradka taksama byli jaŭrejskija mohiłki, tamu plity mohuć być i nie ad padmurka, a miascovyja, z razburanych ŭ 1920-ja hady mohiłak.
